血壓

上兩星期去 check 眼, 診所姑娘替我量血壓, 得出來是上壓140 ,話我血壓高!

吓! 唔係嘛?

我唔睇西醫, 只睇中醫的, 有些中醫都會替人壓下血壓, 一向冇人話我血壓高喎, 用屋企血壓計來量, 上壓都好少過 110, 唔通我部陣年血壓計唔準?

帶最近常幫襯的葯材舖,又唔見佢地醫生檯上有血壓計, 如果有的話, 都可以買野時, 請他們替我量一下, 咁點算好呢? 在未確定家中血壓計是否不準前, 又冇理由花幾百蚊在買一部的.

苦惱了好幾天, 幸好天不虧我, 昨天到我家附近體育館想拿些活動資料看看, 竟發現有血壓機及磅任用啊! 立即去量下, 昨天的上壓是 116, 正常!

今天出門前用家中血壓計量了一次, 99/ 67, 行了十分鐘左右到了體育館再量 128/69, 都正常!

體重 52kg, BMI 指數, 23.1111111 , 肥胖邊緣, 廿多年前, 我體形比現在廋一點, 都有120磅, 現在是多脂少肌吧, 看來要努力增肌減脂啊! 怎樣也好, 知道自己血壓正常就好了 !